Imermut pajuttuineq tassaavoq pajuttuinermut aaqqissuussamik pisariillisaassutaasoq sullitap najukkaminut ullunik aaliangersimasunik toqqagaanik imermik pajutsittarnissamut nalunaarsinnaanissaa.

Imermik pajuttuineq sumiiffik aallaavigalugit pajuttuineq akeqartinneqarpoq, akillu nalimmassagaapput sullitat pajuttuinerillu amerlassusaat aallaavigalugit. Imermik pajutsinnissaq sapaatit akunneri marluk sioqqullugit nalunaarutaareersimassaaq taamaanngippat imermik pajutsinnerit saniatigut pajutsinnertut inniminnerneqassaaq. Sullitap najukkaminut pajutsittarnissaata amerlassusai aallaavigalugit akiliuteqartassaaq, tamannalu imaappoq sulinngiffeqaraluaraanni angalalluniluunniit pajuttuinermut nalunaarnikuunermut akiliuteqartassalluni, tamannalu pissutaavoq Nukissiorfiit ataavartumik aningaasartuuteqartarnera sulisut akissarsiaanut, angallassinermut orsussamut, aserfallatsaaliornermut, sillimasiinermut allaffissornermullu.

Ullormut pajuttuinermi piffissaq aningaasartuutaasullu aallaavigalugit Nukissiorfiit pisinnaavoq imermik pajuttuinerit ullut aaliangersakkat aaqqissuuteqqinnissaanut. Imermik pajutsissagaanni sullitatut eqqumaffigisariaqarput imermik pajuttaatit akornuteqanngitsumik najukkap eqqaanukarsinnaanissaq, pigisallu aqqutissamiitinnginneqarnissaat eqqumaffigissallugu. Imermik immerfissaq ornikkuminassaaq, ukiakkullu pajuttuisup aqqutissaa aputaajarneqarsimasassalluni. Arlaatigut angallammik assigisaanilluunniit aqqutaaniititaqaraanni akornutaannginnissaat qulakkeerneqassapput. Nukissiorfiit aseruisoqarsimatillugu akisussaaffigisinnaanngilai taarsiisussaananilu sullitap persaqqusersuutaasinnaasut piiartussaammagit.

Imermik pajuttuineq allannguuteqassappat Nukissiorfiit sullissivianut saaffiginnittoqassaaq oqarasuaat 80 11 50-imut, kingusinnerpaamik ulloq ataaseq sioqqullugu. Ullullu pajuttuiffiusussat Nukissiorfiit pisinnaavoq sullitat imermik pajuttornissaanut nalimmassaasinnaanissaminut.

Imermut pajutsittarnissamut akuerineqassaaq sullitaq akiitsoqanngippat, aammalu imermik pajuttuineq unitsinneqassaaq sullitaq akiitsoqalernerani.